دجاج كنتاكى

المقادير :دى تتبيلة للفراخ
لبن رايب +ملح+فلفل اسود+ جنزبيل +شطة +بصل مفروم + توم مفروم
ى تسيبى الفراخ فى التتبيله و تحطيها فى التلاجة مش اقل من 6 ساعات
وبعدين هاتى : دقيق + خلطة الفراخ اللي بتتباع فى السوبر ماركت
نطلع الفراخ من التتبيلة ونحطها فى الدقيق
وتهز الفراخ تنزل الدقيق الزايد بس خلى بالك
وغطيها كويس اوى
بعدين حطيها فى الفريزر شوية
وبعدين تقلى الفراخ فى زيت غزير وسخن جدااااااااا زى ما احنا عارفين
يادوب تاخد اللون الذهبى

وبعد كده نطلعها فى صينية
وندخلها فرن متوسط الحرارة تكمل سواها
على فكرة انا شوفتها فى برنامج الشيف اسامة وجربتها والله جميلة جداااااااا

يعني انا ياهوبه لو عملت كده هتبقي زي دجاج كنتاكي ولو طلعت غير كده اعمل فيكي ايه
ههههههههههههههههههههههههههه

تسلم اديكى يا هوبة

والله يا ايمى بقى على حسب نيتك ههههههههههههه
ميرسييييييي كتير يا ميرا

تسلم ايدك يا هوبا دنتى طلعتى هايله وشكلى هستغلك اسؤا استغلال فى المطبخ
بس قوليلى اللبن الرايب ده ممكن ابدله بزبادى ؟؟ وخلطة الفراخ دى مش هى الفيجيتار او البقسماط ولا حاجه غيرهم؟؟
قوليلى بسرعه عايزه اجرب فى عيالى

طبعا ممكن يا قمر هو بس بيحافظ على ان الفراخ ما تبقاش نشفة اوى
والفيجيتار احسن من البقسماط وانتى ممكن تعملى خليط بينهم وكدة او كدة ماهو برضو فى دقيق يا قمر

تسلم يا قمررر. الحق بقى اعمل الجمعيه وأجيب الفرخه

هههههههه ليه جمعية ايه دى و قبضها قد ايه اوعى تكونى هتقبضى الاخر

بصي ياهوبه انا كبيري اوووووي اجيب كوكي واقليها في الزيت شقتي بقي انا هايله ازااااااااي

ههههههههههههه

طول عمرك بنوتة شاطرة يا ايمى يا بخت فرخة كوكى بيكى يارتنى فرخة يا ايمى يا سلااااااااااام وانتى بتقلينى كدة
هههههههههههه

انا اتمني انك تكوني فرخه كوكي بس مش عشان اقليكي بعد الشر اتمني بس عشان المسك واشوفك بعنيه ياسلالالالالالالالام بجد مش هيبقي ناقصني ح اجه تاني من الدنيا