اولا المقادير:
وبرش قشرة برتقالة و ليمونة 6 بيضات
فانيليا اكياس او زجاجة وتحطى 6 اكياس او 3 زجاجات وده حسب زفارة البيض
تلات ارباع كوب دقيق فقط يضاف له رشة ملح و معلقتين شاى بيكنج باودر وممكن تحطى معاه مسحوق التانج برتقال
حتة زبدة لمسح القالب عشان ميلزقش
كوب سكر بودرة او نوع عادى يكون جيد
الطريقة:
افصلى 3 بياض بيض عن صفارهم وحطيهم لوحدهم وعليهم شوية سكر خشن عشان يتماسك لما يتضرب
خدى الصفار بتاعهم وضيفى عليه ال 3 بيضات الباقية و حطيهم لوحدهم وعليهم السكر البودرة
نضرب البياض لوحده لحد ميبقى رغوة بيضاء متماسكة متحطيش عليه فانيليا او برش برتقال
اضربى الصفار والبيض بالفانيليا والبرش لححد ميبقى قرب الرغوة بردو
ضيفى براحة البياض المضروب على الصفار ثم ضيفى المكونات الجافة
قلبى بخفة بمعلقة خشب او اسباتيولا مطاطية من تحت لفوق يعنى foldمش زى تقليب السكر فى الشاى لا لازم بخفة شديدة كى لا نفقد الهواء
بعد اختفاء الدقيق فى البيض ممكن طبعا تضيفيه بمصفاة تنخليه فوق البيض حبة حبة
نكون مسخنين الفرن قبلها و ندهن القالب زبدة و نرشه دقيق بالمصفاة ونصب العجين وندخله الفرن على حرارة متوسطة متفتحيش الفرن اول ربع ساعة ممكن تتابعيها من بعد 20 دقيقة مبتخودش اكتر من كدا اصل انا فرنى قديم مش حديث حرارته هادية
و بألف هنا وشفا
يارب تظبط معاكو طبعا انا بوظت حاجات كتير بس فى الاخر طلعت جامده هى هتتطلع فى صينية صغيرة 26 مثلا ادعولى دى اول مشاركة ليا
لو حد جربها يقولى اوعوا تدعو عليا