موضوع: ارجو الدخول لاهمية الأربعاء مارس 10, 2010 11:50 pm
ازيكم يا احلى منتدى
حصلتلى بجد حاجة غريبة اوى
انا عملت عضوية فى اوريفليم عن طريق منتدى تانى قريب بس وقعت فى حتة مطب بمعنى ادق حصلتلى عملية نصب اولا انا جالى الكتالوج دمنهور ب15 جنية مصاريف شحن قبل ما اطلب طلبيات ولا حاجة وكمان اللى عملتلى العضوية قالتلى انك هتاخدى تمن العضوية تانى بس اللى حصل انها بعدها قالتلى انه لازم تعملى الميت نقطة il 50 طبعا انا اخدت الكلام ثقة لانى طيبة او بمعنى ادق طيبة زيادة عن اللزوم بس شفت المنتدى وكلمت مدام اميرة مش عايزة اقولكوا يا جماعة على الكلام اللى قالتهولى اولا صححتلى معلوماتى ووعدتنى انها هتساعدنى وهتقف جمبى مع انى مش مسجلة معاها بجد يا جماعة انا مشفتش حد عندة اخلاق وجمال بالطريقة دى ربنا يكرمها يارب بس انا قررت انى هعمل عضويتى مع مدام اميرة لانى مش عايزة حد ينصب عليه تانى ومش واثقة الا فيها بجد ربنا يحميها ويوفقها يارب ادعولى بقى لانى بجد تعبت نفسيا بسبب الموضوع دة
ياسمينا عضوه متألق
موضوع: رد: ارجو الدخول لاهمية الجمعة مارس 12, 2010 10:28 am
اسمحيلى فيه حاجات مش فاهماها
أولا طبعا مدام أميرة خدومة جدا وخدمتنا كلنا وأنا من اللى خدمتهم مدام أميرة سألتها عن بعض الأسئلة وما بخلتش عليا أبدا فلها منى الشكر والامتنان
أما عن كلام حضرتك فأنا شايفة انها ما ضحكتش عليكى ولا حاجه لأن العضوية فعلا مجانية على الخمسين نقطة
يعنى بتدفعى فعلا ال30 جنيه مش 15 جنيه ولا حاجه وبعد كده لما بتعملى ال 50 نقطة فيما فوق بيخصمو ليكى ال 30 جنيه اللى انتى دفعتيهم للعضوية مرة تانيه وبكده تكون العضويه واقفة عليكى ببلاش لأن فلوسها هترجعلك تانى
وطبعا الافضل تعملى ال 100 نقطة كاملين علشان تحققى برنامج الترحيب بتاعك
موضوع: رد: ارجو الدخول لاهمية الجمعة مارس 12, 2010 11:52 am
ازيك يا قمر نورتينى بصى اولا لما جالى الكتالوج بالشحن من غير اوردر دفعت 15 جنيه مش مجانى وبعدين ال30 جنيه لما عملت ال50 نقطة مرجعوش بالعكس اتحاسبت عليهم برضه ومنقصوش من الحاجات انا مش عارفة اعمل ايه اكبر ولا ايه كلمتها قالتلى لا دول اتخصموا قلتلها والله دفعتهم هى مش مصدقة هو الموضوع فيه حاجة غريبة مش مفهومة
ياسمينا عضوه متألق
موضوع: رد: ارجو الدخول لاهمية الجمعة مارس 12, 2010 12:04 pm
بصى حبيبتى كده يبقى فيه خطأ من الشركة نفسها من الموظف اللى عمل العضوية أو الأوردر
وانتى المفروض تتصلى بيهم وتقوليلهم حصل معايا كذا كذا وهما معاملتهم ذوق جدا وهيعملوا ليكى اللى انتى عاوزاه
وكل حاجه عندهم بتكون متسجله يعنى اذا كنتى دفعتى حاجه أو ليكى أو عليكى
وبرده الخطأ اللى زى ده مش عضوتك الراعية اللى عملته دى ظروفك جات كده بس هى ممكن تساعدك فى حل المشكلة لو انتى اتصلتى بالشركة ومالقيتيش استجابة وأنا ما أعتقدش ان ده ممكن يحصل عن تجاربى الشخصية مع الشركه
وعلى العموم مافيش شحن على العضوية لما بتجيلك ولو الفلوس بتاعت العضوية ما اتخصمتش فعلا هما هيخصموها بس انتى اتصلى عليهم
دا طبعا لو انتى عضويتك بادئة من شهر مارس
ويارب مشكلتك تتحل ياستى وطمنينا عليكى قريب
أتمنى لكى التوفيق
فوفه جنا 2010 عضو جديد
موضوع: رد: ارجو الدخول لاهمية الجمعة مارس 12, 2010 12:07 pm
مرسى ليكى جدا يا ياسمينا وهعمل كدة ان شاء الله
MS.beauty عضو شرف
موضوع: رد: ارجو الدخول لاهمية الإثنين مارس 15, 2010 9:42 am
بصى يا قمر هو انتى لو كنتى اشنركتى الشهر دة يعنى شهر مارس هتدفعى 30 جنيه رسوم عضويه و تاخدى الكاتالوج مجانا اوكى و لما تكملى 50 نقطه = = تقريبا 150 ج بيخصموهم من فاتورة الطلبيه