هل انت فاشل ام تريد ان تفشل؟

مدير الموقع

b

هل انت فاشل ام تريد ان تفشل؟ 246598_154781301257806_147007195368550_351199_12422_n

هل حسيتى مرة بالإحباط؟

هل اعتقدت مرة إنك جربت كل الطرق الممكنة عشان توصل لحاجه معينة، وفشلتى في كل مرة.. وده خلاكى تشعر باليأس وتتوقفى عن المحاولة؟

ناس كتير مننا بيجربوا الفشل.. ولما ده يتكرر بيعتقدوا إنه مؤشر لأنهم غير ناجحين في حياتهم.. وإن أفضل طريقة عشان يتوقفوا عن الشعور بالإحباط هو أن يتوقفوا تماما عن المحاولة.. ويرضوا بالأمر الواقع.

إيه الموضوع ده بقى؟

طيب.. عشان نعرف إيه الحكاية تعالوا نعرف إيه هو النجاح بالضبط ؟؟؟

ما هو النجاح؟

فيه تعريفات كتير للنجاح.. لكن التعريف اللي أقنعني فعلا هو التعريف التالي:

(النجاح هو القدرة على الانتقال من فشل إلى فشل دون أن تفقد حماسك)

"ونستون تشرشل"

خدتى بالك من المقولة دي؟

لو قرأت قصص الناجحين في أي مجال هتكتشف حاجة غريبة قوي.. هتلاحظ إن أي شخص ناجح في أي مجال مر بسلسلة من الفشل في بداية مشواره.. لكنه كمل محاولاته لحد ما وصل للنجاح اللي وصل له..

يعني الفرق بين الناجح والفاشل هو إن الفاشل توقف عن المحاولة وشعر باليأس.. لكن الناجحين مابيعرفوش الشعور ده..

ناخد مثال على الموضوع ده..

"توماس أديسون" والمصباح الكهربائي

كتير من الناس بيعتبروا "توماس أديسون" من أكثر العلماء اللي أثروا في حياتنا باختراعاتهم.. لأن ماحدش فينا يقدر يتخيل الحياة من غير المصباح الكهربائي..

"توماس أديسون" يعتبر فعلا من أهم العلماء في تاريخ الإنسانية وله أكثر من براءة اختراع.. لكن هل تعلم أنه مر بسلسلة مريعة من الفشل قبل اختراع المصباح الكهربائي؟

حاول "توماس أديسون" وأجرى العديد من التجارب لأنه كان يؤمن بفكرته.. فكرة إنه يخترع حاجة بتنور..

وتكررت تجاربه الفاشلة حتى وصلت إلى 9999 تجربة.. تخيلى؟؟

وفي حديث مع وسائل الإعلام سأله أحدهم:

"سيد أديسون.. لقد فشلت 9999 مرة، إنت فاشل عالمي.. لماذا لا تتوقف عن هذه التجارب الفاشلة؟"

عارفين كان رده إيه؟؟

قال "توماس أديسون":

(الفاشلون هم أناس لم يعرفوا كم كانوا قريبين من النجاح حين توقفوا!!)

شايفيين الكلام؟

يعني لما تجرب كل الطرق الممكنة عشان توصل لهدفك.. قبل ما تشعر باليأس وتتوقف اعرف إنك قربت جدا من هدفك..

ممكن تكتشف إنك توقفت قبل ما توصل لهدفك بخطوة..

هاقول لك حاجة صغيرة..

فيه حكيم صيني قال:

(حينما ينغلق أمامك باب الأمل.. لا تتوقف لتبكي أمامه طويلا.. لأنه في هذه اللحظة انفتح خلفك ألف باب ينتظرون أن تلتفت لهم!!)

لما تلاقي نفسك يئست اعرف إن نجاحك قرب.. لما تلاقي فشلك تكرر اعرف إنه مش فشل.. بل تجارب ستسفيد منها في المرة القادمة لتصل إلى هدفك..

جرب بنفسك

لحظة من فضلك ...ممكن

هاقول لك حاجة تجربها:

اقعد في مكان هادي وغمض عينيك..

فكر في فشل حصل لك في أي موقف في مواقف حياتك..

فكر بينك وبين نفسك:

هل لو حصل لك دلوقتي (في الزمن الحالي) هذا الموقف.. هل هتتصرف بنفس الطريقة أم لا؟؟

هه؟؟

أكيد لأ.. مش كده؟

عارف ليه؟

عشان التجربة دي علمتك وخلتك أقوى وأكثر خبرة..

تبقى مش فشل..

أيوه.. هي دي الحقيقة.. لو عايز تشوف نفسك فاشل هتشوف نفسك فاشل فعلا.. إنما لو عايز تستفيد من كل المواقف اللي حسيت إنك أخفقت فيها.. هتلاقي جانب مضيء ماكنتش واخد بالك منه.. وهتستفيد من تجارب حياتك بدل ما تخليها تضرك..

الخلاصة

مافيش حاجة اسمها فشل..

ولكن هناك محاولات نجاح فاشله وهى لن تقتلك

فيه حاجة اسمها تجارب اتعلمنا منها، وهتخلينا نمشي في الطريق الصح.. ومانغلطش نفس الأخطاء بتاعتنا..

ماتخليش أي حاجة تخليك تتوقف عن المحاولة.. التجارب غير الناجحة دي مجرد خبرات اتعلمنا منها ازاي نكون أفضل.. خليها حافز للاستمرار مش مبرر للتوقف عن المحاولة... ممكن تكون قربت جدا وفاضل لك خطوة.. لكن الإحباط خلاك تتوقف قبل هدفك بسنتيمترات!

- حاولت تحقق هدفك وجربت أكتر من مرة لحد ما يئست؟

- دورت على وظيفة ومالاقتش، فتوقفت عن المحاولة؟

كان لك حلم وبطلت تسعى ليه، لأن حد أقنعك إن مافيش فايدة؟

الناجحين أقل من الفاشلين.. لأن النجاح صعب مش عشان أي حاجة تانية.. اللي يقول لك إن مافيش فايدة، اعرف إنه مستسلم ومش عايز يبقى من القلة الناجحة في الحياة.. لأن الناجحين مابيعرفوش الكلمة دي..

معظم الناجحين في مصر أو غيرها.. كانت الظروف ضدهم وفشلوا كتير (فكر في الأمثلة اللي تخطر على بالك).. لكنهم ماستسلموش..

هو ده الفرق..

لو المستسلمين دول أحبطوك وحسسوك إن النجاح مستحيل.. يبقى اقرأ هذا المقال مرة أخرى...

واليك أربعة عشر فرقا يميز تفكير الناجح عن تفكير الفاشل

1- الناجح يفكر في الحل ، والفاشل يفكر في المشكلة

2- الناجح لا تنضب أفكاره ، والفاشل لا تنضب أعذاره

3- الناجح يساعد الآخرين ، والفاشل يتوقع المساعدة من الآخرين

4- الناجح يرى حلا في كل مشكلة ، والفاشل يرى مشكلة في كل حل

5- الناجح يقول : الحل صعب لكنه ممكن ، والفاشل يقول : الحل ممكن ولكنه صعب

6- الناجح يعتبر الإنجاز التزاما يلبيه ، والفاشل لا يرى في الإنجاز أكثر من وعد يعطيه

7- الناجح لديه أحلاما يحققها ، والفاشل لديه أوهام وأضغاث أحلام يبددها

8- الناجح يقول : عامل الناس كما تحب أن يعاملوك ، والفاشل يقول : اخدع الناس قبل أن يخدعوك

9- الناجح يرى في العمل أمل ، والفاشل يرى في العمل ألم

10- الناجح ينظر للمستقبل ويتطلع لما هو ممكن ، والفاشل ينظر للماضي ويتطلع لما هو مستحيل

11- الناجح يختار ما يقول ، والفاشل يقول دون أن يختار

12- الناجح يناقش بقوة وبلغة لطيفة ، والفاشل يناقش بضعف وبلغة فظة

13- الناجح يتمسك بالقيم ويتنازل عن الصغائر ، والفاشل يتشبث بالصغائر ويتنازل عن القيم

14- الناجح يصنع الأحداث ، والفاشل تصنعه الأحداث

وخليكى فاكره

احنا بنعيش في الدنيا دي حياة واحدة بس.. خليها تبقى أفضل حياة ممكنة..

خدى بقى نكته عن الفاشلين

كان فى مرة طالب فاشل دخل الامتحان ميعرفش حاجة فى الامتحان وكان حظة عندما

جات الاسئلة صح وخطا طلع بريزة من جيبة وقعد يقول اللى تطلع كتابة يبقى صح فخلص بعد نصف ساعة لقى زمايلة لسة مخلصوش راح طلع البريزة تانى علشان يراجع

هههههههه