أزاى تعملى سويت من غير ما يطلعلك حبوب وبشرتك تبقى ناعمة

مدير الموقع

كتير مننا بتشتكى بعد إ زالة الشعر أن فيه حبوب بتظهر
الحبوب دى ممكن نقللها أو نمنعها نهائيا
إذا أتبعتى الخطوات اللى حاقولك عليها
1- تسخنى مية وبعدين تحطى فيها فوطة وتبليها بالمية وبعدين تعصريها وتحطيها على المكان المرغوب أزالة الشعر منه بحيث ان سخونة الفوطة تفتح المسام ولو عرفتى تعملى حمام بخار للجسم كله يبقى خير وبركة طبعا حمام البخار للوجه ساهل قوى
2- تعملى سنفرة للجسم أو الوجه بأى كريم سنفرة عندك ولوما فيش يبقى أى كريم مرطب مع شوية سكر خشن أو ملح خشن وتدعكى الوجه أو الجسم بحركات دائرية اولا انت كده بتشيلى الخلايا الميتة وبتساعدى الشعر الصغير أو اللى بيبقى تحت الجلد أنه يطلع وتشطفى لآزالة السنفرة
3- تبلى قطنة بديتول أو بيتادين مطهر لللعناية الشخصية حتلاقيه فى الصيدليات أو أى هايبر فى قسم أدوات التجميل والعناية الشخصية وتمسحى جسمك أو وجهك بالمطهر وتسيبيه ينشف وتعملى بقى السويت أو الفتلة وبعد ما تخلصى حتة حتة تشطفى بمية ساقعة على طول متستنيش لما تخلصى خالص يعنى مثلا خلصتى إيد تشطفى بسرعة بمية ساقعة الآيد التانية تشطفى برضو مش تستنى لما تخلصى وتشطفى كله علشان بعد السويت على طول بيبقى فيه أحمرار والآحمرار ده لو ما شطفناش بمية ساقعة حيعمل التهابات وحبوب والالتهابات بتعمل سواد
4- بعد ما شطفتيى بالمية وشيلتى الشعر كله ارجعى امسحى تانى بالمطهر وبعدين زيت جونسون أو حطى كريم مرطب أو بودى لوشن اللى انت متعودة عليه وبكده أضمن لك أنك تشيلى الشعر من غير ما يكون فيه ألتهابات بعدها وبشرتك حتبقى ناعمة زى البيبيهات

طيب إيه هى أفضل وسيلة لآزالة الشعر من الجسم أو الوجه يا ترى
السويت – الفتلة – الكريم - التشقير- الموس
ب
بساطة الطريقة اللى أنت متعودة عليها ومرتاحة لها ومش بتسبب لك أى مشاكل هى دى اللى تعتمديها على طول متفضليش بقى تعملى نفسك حقل تجارب مرة سويت ومرة موس ومرة كريم حتتبهدلى على الفاضى وفى الاخر حتلاقى نفسك رجعتى لطريقتك اللى انت متعودة عليها فى ناس بشرتها حساسة قوى زيادة عن اللزوم ومش بتقدر تستحمل السويت أو الكريم او الفتلة على الوجه ودول أنسب حل يا إما التشقير للوجه والليزر للجسم عاوزة أقولكم حاجة أخيرة لو عملنا سويت على منطقة الابط يفضل اننا منحطش مزيل عرق بعدها بيومين علشان ندى فرصة للمسام تتنفس

عضو

شكرا يا مدام اميرة بجد معلومات مفيدة جدا

عضو جديد

موضوع جميل جداااااااااااااا

» حبوب الشاى الاخضر وفوايدها الرهيبه وخاصة للتخسيس